Компанијата Microsoft официјално ја претстави новата верзија на својата гејминг конзола со пристапни цени наречена Xbox Series S.
Новиот модел има 1 TB SSD меморија во однос на стандардниот кој нуди 512 GB, а целото куќиште е во црна боја и доаѓа со црн контролер.
Цената на новата Xbox Series S со 1 TB меморија е 349 долари, 50 повеќе од моделот со 512 GB, додека продажбата започнува на 1 септември.
Покрај новата опција за меморија, Xbox доби и нов контролер и слушалки. Овие додатоци се дизајнирани во соработка со Starfield, игра развиена од Bethesda Game Studios.
Новиот контролер се одликува со бела и сива шема на бои со црвени акценти. Д-падот е златен, а копчињата на рамената се проѕирни. Контролерот има и бел дизајн со црвена лента и златни детали.
Цената на контролорот е 80 долари, додека слушалките чинат 130 долари.