Третата и претпоследна сезона на тинејџерската драма „13 Reasons Why“ ќе се емитува на Netflix на 23 август и судејќи според новиот трејлер, ќе се врти околу убиството на Брајс Вокер.
Ликовите Клеј Џенсен (Дилан Минет), Џастин Фоли (Брендон Флин) и Џесика Дејвис (Алиша Бо) доминираат во почетокот на трејлерот, пред да се појави клучното прашање: „Кој го уби Брајс Вокер?“
Фановите веќе шпекулираат дека со самиот трејлер се открива кој е убиецот на Брајс, а доминира теоријата дека низ 13-те епизоди ќе се покаже дека Клеј е убиецот.
Втората сезона од популарната серија беше бјавена во мај, 2018 година, што значи дека фановите се изначекаа за нови епизоди.
