Британскиот принц Хари ја промовира неговата книга „Spare“, која излегува на 10 јануари.
Во мемоарите, принцот ќе се осврне на неговото воспитување и животот во кралското семејство, а по повод објавувањето на книгата даде неколку интервјуа.
Во објава од интервјуто за CBS, водителот Андерсон Купер во емисијата „60 Minutes“ го праша дали во иднина се гледа себеси повторно како член на кралското семејство, на што Хари брзо и јасно одговори негативно.
Се очекува мемоарите да ги откријат и деталите околу несогласувањата меѓу 38-годишниот Хари и неговиот 40-годишен брат, принц Вилијам.
Според пишувањето на Cosmopolitan, принцот Хари во мемоарите ќе зборува и против Кејт Мидлтон, сопругата на принцот Вилијам.
Претходно, издавачката куќа Penguin Random House објави како ќе изгледа насловната страница на книгата. Оттаму соопштија дека принцот ја раскажува личната животна приказна со „сурова, непоколеблива искреност“ и дека таа е полна со „увиди, откритија и самоиспитување“.
