Сигурно милион пати сте го забележале знакот WC на вратата кога одите во јавен тоалет, но можеби не сте размислувале многу за тоа што всушност претставува.
Голем број корисници на социјалните мрежи останаа позитивно изненадени откако го дознаа вистинското значење на WC, кое нуди мал увид во историјата на тоалетите.
Терминот WC всушност потекнува од двата збора „water closet“ (воден плакар“ кои во минатото биле синоним за тоалет. Во XIX век не било учтиво зборот тоалет да се каже јавно, ниту телесните функции биле поврзани со користењето на тоалетот.
За да се избегне ова, бил измислен овој израз за да се опише тогашниот нов санитарен чвор со испирање, особено на јавните места. Акронимот WC се сметал за доволно оддалечен од неговата функција за да може да се изговара, иако со одредена незгодност и воздржаност.
Според веб-страницата за водовод Plumbworld, терминот прв пат се користел во Англија во 1870-тите. Првично познат како „плакар за миење“, тој набрзо станал „плакар за вода“ преку популарна употреба, пред да прерасне во WC.
XIX век бил период што го одбележале големи иновации за модерниот тоалет, а напредокот помогнал значително да се подобри јавното здравје и хигиената. Еден од најпознатите санитарни инженери во тоа време бил Томас Крапер, кој во 1886 година бил ангажиран од Кралското домаќинство да ги замени тоалетите во Сандрингам Хаус со понови модели.
