Македонската фудбалска репрезентација синоќа сензационално ја победи Германија со 2:1 во рамките на 3. коло од групата Ј од квалификациите за СП.
Избраниците на Игор Ангеловски одиграа одлична партија, не се плашеа од големиот фаворит и заслужено победија. Македонија поведе во судиското надополнување на првото полувреме со голот на Горан Пандев по убавата акција, а Германија израмни во 63-та со гол на Гунгодан од белата точка.
Победата за Македонија ја обезбеди Ељиф Елмас на пет минути пред крајот по одличната асистенција на Аријан Адеми.
Победата на Македонија одекна во фудбалска Европа, а честитки стигнаа и од Бастијан Швајнштајгер, долгогодишна ѕвезда на Германија и Баерн.
„Ѝ оддавам почит на Северна Македонија. Беше досуден несреќен пенал, па не им беше досуден чист пенал, а овие момци сепак го победија четирикратниот светски шампион во гости. Им симнувам капа“, напиша Швајнштајгер на Twitter.