Полската тенисерка Ига Швјонтек и Онс Жабер од Тунис ќе играат во финалето на последниот грен слем турнир сезонава УС опен во Њујорк.
Швјонтек, која е најдобро рангирана на ВТА листата, ја совлада во полуфиналето белоруската ривалка Арина Сабаленка со 3-6, 6-1, 6-4, додека петтата тенисерка во светот Жабер беше подобра од Каролин Гарсиа од Франција со 6-1, 6-3.
За 21-годишната Швјонтек ова е прво финале на УС опен во кариерата, во која има две грен – слем титули на Ролан Гарос.
Нејзината противничка во утрешното финале, Жабер, ќе го игра второто финале во кариерата, а претходно најголем успех на грен слемот во Њујорк ѝ беше пласман во третото коло.