Италијанскиот тенисер Јаник Синер смета дека во овој момент не постојат многу играчи што можат да го победат Новак Ѓоковиќ на Вимблдон, но исто така смета дека тој е еден од тие малкумина.
Моментално деветтиот тенисер на АТП ранг-листата, кој е 14 години помлад од освојувачот на 23 Грен слем титули, нагласува дека обожава да игра против Србинот, бидејќи со играњето против шампион каков што е Ѓоковиќ може многу да се научи.
„Новак Ѓоковиќ е најголемиот фаворит за освојување на Вимблдон. Тој игра сјајно, полн е со самодоверба, ја подига играта на едно високо ниво и во овој момент нема многу играчи што можат да го победат. Без лажна скромност, мислам дека јас сум во таа мала група“, вели Синер.
„Одлика на врвните играчи е во тек на натпреварите брзо да се прилагодуваат на противникот и да ги искористат сите негови маани. Така Ѓоковиќ играше против мене. Затоа обожавам да играм против него, бидејќи во таквите дуели може многу да се научи, бидејќи играјќи против него и сам стануваш подобар тенисер“, додаде Италијанецот со германско потекло (тој е од Јужен Тирол каде живее германско малцинство и правилниот изговор на неговото презиме на германски е всушност Зинер).
Јаник потенцираше и дека му се восхитува на Новак затоа што и на 37 години и натаму е физички одлично подготвен, како и на фактот што без проблем се носи со деценија помпладите тенисери.
„Понекогаш се прашувам како е можно некој што има 36 години да може да биде во таква форма во каква што е Ѓоковиќ. Ние младите играчи треба да се угредаме на него и да се обидеме да му се доближиме што е множно повеќе, бидејќи не знам дали е реално некој да биде како него“, заврши тенисерот од североисточниот крај на Италија.
