Социјалните мрежи во Сирија се преплавени со барања за луѓето да им се придружат на руските трупи во Украина, за плата од 7.000 евра во првата борбена линија, пишува BBC.
Економијата во Сирија е во длабока криза, а моменталната војна во Украина уште повеќе ги зголеми цените на основните животни намирници.
Поранешен војник на сирискиот режим во разговор за BBC изјави дека се пријавил за регрутација во руската војска и планира да замине за Украина. Главната причина за тоа е сиромаштијата.
„Моето семејство не сака да одам, но морам за да ги прехранам. Сепак, шансите да преживеам таму се многу мали“, вели тој.
Според податоците кои Русија ги објави, досега во војната во Украина загинале 1.315 војници, но Западот смета дека таа бројка е значително поголема.
Русија и порано го поддржуваше нивниот режим во граѓанската војна, а сега Сиријците сакаат да возвратат. Украинските власти соопштија дека Русите отвориле 14 центри за регрутација во Сирија.
„Јас лично познавам барем 200 луѓе кои се пријавија за регрутација. Повеќето од нив се пријавија од една причина – за да му обезбедат храна на семејството“, додава војникот.
За Сиријците има две понуди – првата е борба на првата линија за 7.000 долари и борба на другите фронтови за 3.500 долари.
Русија соопшти дека се пријавиле 16.000 доброволци од Блиски Исток.