Фудбалерите на Нант со 3:1 го совладаа фаворизираниот тим на ПСЖ во 25. коло од Лиг 1 на „Стад де ла Божуар - Луи Фонтено“ и на тој начин му го нанесоа само вториот пораз на лидерот.
Шок за ПСЖ дојде во уште во 4. минута кога Рандал Коло Муани ги доведе домашните во водство. Гостите како да не се созедоа од тој шок, па веќе во 16. минута заостанаа два гола. Овој пат стрелец беше Кентан Мерлин.
Во продолжението од натпреварот гледачите можеа да уживаат во одличен фудбал. Очекувано, ПСЖ ја презеде контролата врз играта, додека Нант користејќи брзи контранапади беше уште поопасен ривал.
И кога сите чекаа да одат во соблекувалната по првото полувреме, Нант стигна до третиот гол. Стрелец беше Лудовик Блас од белата точка откако претходно со рака во својот шеснаесетник играше Џорџињо Вајналдум.
Се започна жестоко по паузата бидејќи на Нејмар му требаа само две минути да го намали водството на домаќините. Нејмар на половина час пред крајот можеше да ја врати незивесноста, но не искористи пенал.
ПСЖ продолжи да напаѓа до крајот во обид да стигне барем до бод, но одличната одбрана на Нант ги издржа сите напади на фаворизираните гости, па домашните играчи и навивачи прославија голема победа.
Со вечерашната победа Нант прескокна неколку клубови и дојде на 5. место во Лиг 1, додека ПСЖ остана прв со 13 бода предност во однос на второпласираниот Марсеј. Во следното коло ПСЖ го пречекува Сент Етјен, додека Нант ќе му биде домаќин на Мец.
