Синоќа вкупно 296 лица биле затекнати како неодговорно се однесуваат со тоа што не носеле заштитна маска. Еден од нив завршил во притвор откако физички ги нападнал полициските службеници кои го легитимирале.
Дваесет и едногодишниот Е.А. од Скопје синоќа бил приведен од полициски службеници од СВР Скопје, бидејќи при обид за негово легитимирање не носел заштитна маска, го навредувал и физички го нападнал полицискиот службеник.
Како што соопшти МВР, инцидентот се случил синоќа околу 22:30 часот во близина на училиште на ул. „Бранко Заревски“ во Скопје. По целосно документирање на случајот против пријавениот ќе биде поднесен соодветен поднесок.
Во текот на изминатото деноноќие (18/19.07.2020 година) на територијата на Република Северна Македонија по однос на мерката за неносење лична заштита на лице регистрирани се 296 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со COVID-19.