Повеќето луѓе кои не се во врска и поради тоа користат апликации за запознавање се чувствуваат несреќни поради неуспешните состаноци и погрешните очекувања, покажа новото истражување.
Според апликацијата Badoo, 78% од корисниците се под стрес и се чувствуваат фрустрирани поради средбата со луѓе кои не им одговараат. Слободните одат во просек на шест неуспешни состаноци годишно и трошат околу 370 долари на нив.
Приближно 31% од испитаниците признале дека им е тешко да дефинираат што бараат поради страв од тоа што потенцијалните партнери ќе мислат за нив. Сепак, 82% изразиле желба да станат поотворени бидејќи тоа ќе има добро влијание врз идните врски.
Истражувањето покажа дека 43% од жените веруваат дека мажите претпоставуваат дека сакаат да се венчаат, а 49% од мажите веруваат дека жените мислат дека не сакаат ништо сериозно, пишува Independent.
Во истражувањето учествувале илјада луѓе, а било спроведено на крајот на октомври. Наташа Брифел, маркетинг директор на Badoo, вели:
„Односите се позабавни кога сте компатибилни. Затоа измисливме опција со чија помош можете да наведете што конкретно барате. Ова е најбрзиот начин да го запознаете идеалниот партнер“.