Имелда Стонтон (65) ќе ја игра кралицата Елизабета во новата, петта сезона на серијата „The Crown“.
Netflix на Twitter ја објави првата фотографија на која се гледа Стонтон во новата улога што ја наследи од добитничката на Златен глобус, Оливија Колман.
„Прв поглед на нашата нова кралица Елизабета Втора, Имелда Стонтон“, гласи објавата.
Стонтон е најпозната по улогата на омразената вештерка Долорес Амбриџ во филмовите за Хари Потер.
Во новата сезона на „The Crown“ ќе биде опфатен животот на кралското семејство во текот на 90-тите до 2003 година, и ќе опфати теми како бурниот брак на Чарлс и Дијана, како и смртта на Дијана и принцезата Маргарет и пожарот во замокот Виндзор.
Покрај Стонтон, во петтата сезона ќе играат и Џони Ли Милер како Џон Мејџор, додека Лесли Менвил ќе биде принцезата Маргарет.
Ѕвездата на „Game of Thrones“, Џонатан Прајс ќе го глуми принцот Филип, а Елизабет Дебицки ќе се претстави како Дијана, принцезата од Велс.
Доминик Вест, најпознат по улогите во филмовите „The Wire“ и „The Affair“, ќе го игра принцот Чарлс. Снимањето започна овој месец во студиото Elstree во Хертфордшир.
Шестата сезона на „The Crown“, наводно, ќе биде последна. Во интервју за Broadcast на почетокот на овој месец, извршната продуцентка Сузан Маки рече дека креаторот на серијата, Питер Морган, „едноставно не може“ да напише уште една сезона, бидејќи тоа би било за најновата историја на кралското семејство за која уште нема доволна временска перспектива.
Петтата сезона се очекува да се емитува во 2022 година.