Пјер-Емерик Обамејанг денеска стана фудбалер на Барселона и на тој начин го погази зборот што му го дал на својот дедо во 2014 година.
Габонецот во интервју за L’Equipe во 2016 година откри дека му ветил на својот дедо дека еден ден ќе игра за Реал Мадрид.
„Дедо ми почина пред две години, а јас му ветив дека ќе заиграм за Реал Мадрид. Дедо ми е од Авила, недалеку од Мадрид и имаше голема желба да игра за Реал. Знам дека нема да биде лесно. Но, тоа е нешто во што верувам“, рече тогаш Обамејанг.
Сепак, на 32 години потпиша за најлутиот ривал на Реал и сега е извесно дека нема да го исполни ветувањето.
Инаку, малкумина знаат дека Обамејанг по мајка е Шпанец. Неговиот дедо, татко на мајка му, бил и навивач на „Кралевите“. Тој е син на поранешниот габонски репрезенттаивен играч од средниот ред Пјер-Франсоа Обамејанг кој неговата мајка Шпанка ја запознал додека настапувал за францускиот клуб Лавал.
