На социјалните мрежи се прошири фотографија од украинскиот претседател на која Володимир Зеленски позира пред зелено платно, а со која се шпекулира дека го напуштил Киев.
Платното е познато и како green screen, а се користи за компјутерска манипулација на кадри, па повеќето денешни блокбастери се снимени на тој начин.
Според теориите на заговор, се зборува дека Зеленски е контролиран од мрачни сили, дека повеќе не е во Киев, Украина, дека шири пропаганда, а дека Холивуд му помага.
Меѓу другото, многумина прашуваат дали Зеленски воопшто постои, односно каде точно е лоциран во Холивуд.
На теоретичарите на заговор доволно им е многу малку, понекогаш дури и фотографија стара неколку месеци, но дури сега таа истата им стана интересна.