Секој простор се разубавува кога во него ќе се внесат цвеќиња и други растенија. Речиси и да не постои дом во кој нема барем некое собно растение. Освен нивната убавина, тие можат да бидат корисни на многу начини. Но, човек треба да биде внимателен при одбирањето на собните растенија. Некои видови имаат отровни делови, некои испуштаат јаглероден диоксид, или имаат силен мирис што може да влијае на менталната состојба.
Најопасни билки се: азалеја, кливија, еуфорбија мили (божји трн), монстера, хортензија, бровалија, глориоса, филодендрон, олеандер, кротон и дифенбахија. За жал, токму овие билки многу често се пристутни во домовите. Тие се вистинска закана, особено за малите деца.
Сокот од глориосата е многу поопасен за децата, бидејќи ако влезе во организмот на детето (на пр. детето да гризне лист) стимулира опаѓање на косата и ги напаѓа бубрезите.
Кливијата содржи ликорин, кој при високи дози може да предизвика парализа. Во мали дози може да предизвика труење и повраќање.
Дифенбахијата, многу убаво собно растение, исто така е опасна. Нејзиниот сок е отровен и може да предизвика сериозно труење кај децата, само при вкусување на нејзиниот вкус. И возрасните, исто така, можат да настрадаат и тоа со опекотини при сечењето листови или пупки.
Листовите на филодендронот содржат отровни киселини. Ако дете го проба нивниот вкус, може сериозно да се отруе.
Сокот на олеандерот предизвикува слепило, а неговиот мирис вртоглавица.
Значи, доколку имаште чести, а необјасниви главоболки или алергиски реакции, треба да обрнете внимание на билките што ги имате во вашиот дом, можеби проблемот е во нив.
