Ако уживате во јадењето месо, ќе бидете воодушевени кога ќе се подготви на овој начин. Маринадата со ореви и филот од овошје, зеленчук и кашкавал го прави ова јадење превкусно.
Доколку барате поинаков рецепт, но со кој нема да погрешите по вкус, ви го предлагаме овој. Направете печено свинско месо кое прво се маринира во слатко-кисел прелив со ореви, а потоа се полни со овошје, зеленчук и кашкавал. Вака подготвеното свинско месо е неверојатно вкусно, а за прилог доволно е да послужите само салата.
Потребни состојки:
- 2 кг свинско
- 2 лажици мед
- 2 лажици сенф
- 4 лажици масло
- 4 лажици соја сос
- 1 лажичка зачин за месо
- 1 лажичка блага пипер
- 100 гр ореви
- 250 гр кашкавал
- 2 домата
- 5 печурки
- 1 круша
Подготовка:
Во сад ставете мед, сенф, масло, соја сос и сè убаво измешајте. Потоа додадете зачин за месо и блага пипер, па измешајте. На крајот додадете ситно сечкани ореви.
Исечете го месото како да ќе правите шницли, но не сечете до крај. Треба да ви остане целото парче месо. Ставете го во огноотпорен сад и премачкајте го со добиената маринада и покријте го со проѕирна фолија. Оставете да се маринира околу 2 часа.
Исечкајте ги кашкавалот, доматите, крушата и печурките. Наредете ги во празнините на месото, па повторно премачкајте со преостанатата маринада.
Покријте со алуминиумска фолија и печете во загреана рерна на 180°C околу 60 минути. Потоа извадете ја фолијата и печете уште 30 минути.
За послужување комбинирајте со салата по избор.
