Иако не се покажа како полн погодок, сепак новиот филм од франшизата „Star Wars“ продолжува солидно да заработува во светските киносали и втора недела по ред се наоѓа на самиот врв на боксофисот.
Спинофот на оригиналната „Star Wars“ трилогија, „Solo: A Star Wars Story“ во втората недела од прикажувањето заработи 29 милиони долари и тоа му беше доволно за да се најде на првото место на боксофисот.
За разлика од минатата недела, конкуренцијата беше уште помала па „Solo: A Star Wars Story“ лесно остана на врвот, придружен од два филмови за суперхерои, „Deadpool 2“ и „Avengers: Infinity War“.
Овој викенд неколку нови филмови ја доживеаја нивната премиера, а дури три од овие новитети успеаја да се најдат помеѓу Топ 10 филмовите со најголема заработка, и тоа се „Adrift“, „Upgrade“ и „Action Point“. Конечно од Топ 10-ката испадна хоророт „A Quiet Place“, кој заработи десетпати повеќе отколку што чинеше неговата продукција.
Целосната листа на филмови со најголема заработка викендов:
- Solo: A Star Wars Story – 29,2 милиони долари
- Deadpool 2 – 23,3 милиони
- Adrift – 11,5 милиони
- Avengers: Infinity War – 10,3 милиони
- Book Club – 6,8 милиони
- Upgrade – 4,4 милиони
- Life of the Party – 3,4 милиони
- Breaking In – 2,8 милиони
- Action Point – 2,3 милиони
- Overboard – 1,9 милиони