Предводникот на Манчестер Јунајтед е задоволен што неговиот тим игра во второто по ранг европско клупско натпреварување бидејќи на тој начин многу млади играчи добија шанса да осетат сениорски фудбал.
Оле Гунар Солскјер гледа позитивни на настапите на „Црвените ѓаволи“ во Лига Европа. Неиграњето во Лигата на шампионите значеше дека во одредени натпревари Норвежанецот можеше да си дозволи комоција и да истрча со куп младинци во тимот, повеќе дебитанти. Така беше случај во натпреварот од фазата по групи против казахстанска Астана. Некои од тие играчи и ден денес добиваат шанса.
„Влеговме во сезонава умајќи на ум дека Лига Европа е одлична шанса за нас да освоиме трофеј, да стигнеме далеку во ова натпреварување. Но, истовремено и да им дадеме шанса на некои млади играчи што нам ни е перфекција“, вели Солскјер.
Вечерва од 21 часот Манчестер Јунајтед игра во четвртфиналето против дански Копенхаген. Доколку помине, во полуфиналето ќе го чека подобриот од дуелот помеѓу Вулверхемптон Вондерерс и Севиља.
„Мислам дека доколку бевме во Лигата на шампионите сезонава, што секако сите би сакале, можеби или најверојатно немаше да имаме можност да им дадеме шанса на играчи како Брендон Вилијамс или Мејсон Гринвуд. Многумина од момците кои сега почнаа да играат ќе имаат фантастични кариери“, смета тој.
„Лига Европа е створена и токму за тоа. Сѐ се врти околу тоа да го држите заедништвото во тимот, да имате група која работи заедно и им дава шанса на сите“.