Зимата е период кој може сериозно да влијае на вашата сексуална желба. Помалку витамин Д во текот на зимата значи полошо расположение кое често оди рака под рака и со низок сексуален нагон.
Мажите имаат повеќе тестостерон во есенските и во зимските месеци, со поголем број на сперматозоиди, додека жените се поплодни. Џиџи Енгл е секс експерт и вели дека сите имаме кочници и забрзувања кога станува збор за водењето љубов – работи кои нè одбиваат и работи кои нè возбудуваат.
„Секој секс и секоја доза на интерес се нормални. Нискиот сексуален нагон не е проблем освен ако вам лично не ви е проблем. Значењето кое сексот го има за луѓето и важноста се разликува од човек до човек“, објаснува таа за Metro.
Ако сакате да го зголемите сексуалниот нагон, постојат неколку начини за тоа.
Со оглед на тоа што зимата нè подготвува за помалку секс, важно е да бидете свесни за сите фактори кои можат да придонесат за низок сексуален нагон. Џиџи објаснува дека постојат низ работи кои би можеле да го намалат сексуалниот нагон кај еден пар – од стрес на работа до проблеми со постигнување ерекција и други проблеми.
Џиџи вели дека е важно да се сфати дека сексот не е само пенетрација.
„Имаме хиерархија на сексот која пенетрацијата ја става на врвот, а сè останато го смета за предигра“, вели Џиџи.
Советува дека секој секс е еднаков и ова може да се промени.
Пробајте нешто ново во креветот. Џиџи објаснува дека дури кога ќе почнеме да излегуваме со некој, често повеќе сакаме секс отколку нешто друго. Тоа обично го губиме како што напредува врската, а нашите сексуални нагони се враќаат во вообичаена состојба, но чувството на нешто ново може да се повтори.
Според експертите, зимата е совршено време за повторно распламтување на страстите, а исто така препорачуваат осветлување на темните, студени ноќи со употреба на свеќи.
Мала доза зимска романтика, не е лоша идеја, нели?