На бебињата не им се потребни многу калории, но им требаат многу хранливи и здрави состојки. Сепак, одредена храна која им се нуди на бебињата сосема е нездрава, пишува Baby Center.
Станува збор за храна богата со калории, шеќери или соли и сиромашна со хранливи состојки. Овој прехранбен дефицит може да смета во нивниот развој, вели д-р Кристин Гербастат од Академијата за исхрана.
Токму затоа е важно да се знае која храна е најдобра за бебиња, а која треба да се избегнува.
Тврдата, леплива и крупна храна не е безбедна за мали деца, бидејќи со неа лесно може да се задушат. Немојте на бебето да му давате виршли, колбаси, големи парчиња месо или кашкавал, цело зрно грозје, пуканки, крупен свеж зеленчук, цели јаткасти плодови и семиња.
Ниту газирани пијалаци, тие апсолутно не содржат никакви хранливи состојки туку содржат многу шеќери и може да предизвикаат кариес, но и други проблеми со здравјето.
Истражување во САД покажа дека околу 14 проценти од 9-месечни деца јадат помфрит еднаш неделно. Таа бројка се зголемува на 40 проценти до дванаесеттиот месец што го прави пржениот компир меѓу главниот зеленчук што малечките го јадат и означува почеток на нездрави навики.
Од голема важност е да ја намалите количината на брза храна на менито на бебето и да му давате оброци подготвени од здрави состојки, без додавање на шеќер или сол. Здрав десерт адаптиран за мали деца е на пример печено јаболко, пасирано со малку цимет.
