Компанијата SpaceX на Елон Маск лансираше ракета со рекордни 64 мали сателити во вселената, најмногу од која било друга мисија досега.
Мисијата SSO-A беше третиот лет во вселената за рециклираната ракета Falcon 9, што е уште еден рекорд на приватната вселенска агенција и светски рекорд воопшто.
Ракетата полета од воздушната база Вандерберг во Калифорнија во 10 часот и 34 минути по локално време, носејќи сателити на 34 различни компании, владини агенции и универзитети.
Мисијата следеше неколку дена откако Индија со една ракета испрати 34 сателити во вселената.
По лансирањето, Falcon 9 се врати на Земјата, слетувајќи на брод на крајбрежјето на јужна Калифорнија.
SpaceX подготвува уште едно лансирање на ракета на 7 јануари, овојпат со човечки екипаж што ќе патува до Меѓународната вселенска станица.