Лучано Спалети и дефинитивно нема да го води Наполи во наредната сезона. Тоа го потврди на прес-конференцијата во пресрет на денешниот последен меч за „Партенопеите“ оваа сезона против Сампдорија.
„Сакам да се заблагодарам за овие две незаборавни години. Беше фантастично, а јас сега чувствувам дека немам што повеќе да му дадам на овој клуб кој го заслужува најдоброто. Ова мое заминување е чин на љубов и сакам да биде сфатено. Сакам да имам многу пријатели тука кога ќе се вратам после една деценија“, изјави Лучано Спалети.
Наполи денеска ќе го добие и шампионскиот пехар за освоеното Скудето, прво по пауза од цели 33 години.
Натпреварот со Сампдорија се игра на „Диего Армандо Марадона“ стадионот во Неапол од 18:30 часот.
