Кромидот е нискокалоричен и богат со калиум и витамини Б6 и Ц. Полн е со антиоксиданси кои се борат против болестите и слободните радикали и помагаат во поправка и заштита на оштетените клетки во телото.
Кромидот треба да стои во вашата остава или на друго ладно, суво и темно место околу две недели, но не го чувајте покрај компири кои ослободуваат гас и влага што брзо можат да го расипат. Конзумирајте го што е можно помалку термички обработен бидејќи иако нема да ги изгуби сите свои лековити својства, претераното готвење, динстање и пржење го намалуваат неговото благотворно дејство врз вашето здравје.
1. Кромидот помага за подобрување на работата на срцето
Консумирањето кромид може да има здрав ефект врз кардиоваскуларниот систем. Имено, истражувањата покажаа дека полифенолот наречен кверцетин кој се наоѓа во кромидот помага во намалување на високиот крвен притисок и нивото на триглицериди.
2. Богат е со антиоксиданси и има антиинфламаторно дејство
Кромидот е полн со антиоксиданси кои се борат против болестите и слободните радикали и помагаат во поправка и заштита на оштетените клетки во телото. Тие се еден од најдобрите извори на флавоноиди (вклучувајќи кверцетин), фитохемикалии со силни антиоксидантни својства.
Црвениот и црниот кромид се побогати со овие антиоксиданси од другите видови. Исхраната богата со антиоксиданси може да помогне да се намали воспалението и да се спречи оштетувањето од слободните радикали, што доведува до силен имунолошки систем и подобро општо здравје.
3. Помага во намалување на ризикот од рак
Спроведени се неколку студии за тоа како кромидот може да игра важна улога во превенцијата од рак. Студијата на Универзитетот во Гелф заклучи дека црвениот кромид е најефикасен во намалувањето на клетките на ракот на дебелото црево и дојката.
