Многу непреспиено ноќи за судијата Марко Сера по оној 17 јануари кога поради судиска грешка Милан остана без победа.
Сера му поништи победнички гол на Месиас во судиското надополнување на Милан - Специја, а набрзо потоа „Росонерите“ примија гол и го загубија натпреварот.
Проблемот е што тој не го почитуваше правилото за предност. Имено, досуди фаул над Анте Ребиќ иако требаше да почека бидејќи Милан и натаму беше во активен напад. Некоја секунда по фаулот Месиас веднаш шутираше и ја затресе мрежата, а во меѓувреме се огласи свирчето на Сера.
„Милам дека Ребиќ тргна со намера да ме задави, потоа сфати дека и тој греши кога промашува празен гол“, рече 39-годишниот судија говорејќи за Sky Sport Italia.
„Таа вечер спиев едвај еден час на каучот. Судискиот делегат Роки ми се јави за да ми каже дека никого не отфрлаат и дека набргу ќе се вратам да судам. Едвај чекам“.
Сера потврди дека неколкумина играчи на Милан зборувале со него во соблекувалната по натпреварот.
„Гестот кој играчите на Милан го направија во соблекувалната многу го ценев наредниот ден. Во тој момент мојата емоционална состојба не ми дозволуваше“.
„Калабрија, како капитен, ми упати зборови на утеха. Флоренци беше потиштен како мене, потоа поминаа Тео Ернандес и Брахим Диас и ми кажаа да се разведрам бидејќи секој може да згреши“.
„Ми се обрати и Ибра, сржта на неговите зборови беше 'сега докажи дека си силен и реагирај'. Сега, очекувам да се вратам назад на теренот“, заврши тој.