Директорот на СЗО, Тедрос Аданом Гебрејесус изјави дека вакцината за COVID-19 можеби ќе биде спремна до крајот на годината, не наведувајќи повеќе детали. Тој повика на солидарност и на политичко делување на сите челници за да се обезбеди рамноправна распределба на вакцината кога ќе биде спремна.
„Потребна ни е вакцината и постои можност да ја имаме до крајот на годината, се надеваме“, рече Тедрос на крајот на состанокот на извршниот одбор на СЗО, посветен на глобалниот одговор на пандемијата.
Девет експериментални вакцини се дел од иницијатива на СЗО при што се планира да се распределат 2 милијарди дози до крајот на 2021 година. Досега 168 земји се приклучија на таа иницијатива, но Кина, САД и Русија не се меѓу нив.
Администрацијата на Доналд Трамп изјави дека се склони на билатерални договори за набавка на вакцини од произведувач.
„Потребни сме си едни на други, треба да бидеме солидарни и да се бориме со сета сила против вирусот“, изјави Тедрос.