Истражувачите од Школата за јавно здравство на Харвард тврдат дека трикот за топење на маснотиите на стомакот е тренингот со тегови.
Во истражувањето биле следени физичката активност, обемот на струкот и телесната тежина на 10.500 здрави испитаници во период од 12 години.
Учесниците кои вежбале 20 минути во денот со тегови имале помало покачување на маснотии во пределот на абдоменот во споредба со оние кои правеле други вежби, но оние кои не вежбале со тегови изгубиле повеќе килограми.
За разлика од аеробните вежби, кревањето тегови согорува масти и формира мускули, истакнува авторката на истражувањето Ранија Мекари.
Тоа е добитна комбинација во борбата против масните наслаги на стомакот што со тек на време се зголемуваат и може да го зголемат ризикот од дијабетес и болести на срцето.
Со оглед на тоа дека жените имаат помалку мускули во пределот на стомакот, а повеќе масно ткиво во споредба со мажите, за нив вежбањето со тегови е уште поважно.
Меѓутоа, ова не значи дека треба да ги прескокнувате аеробните вежби бидејќи најдобри резултати се постигнуваат со комбинација од аеробик и кревање тегови, вели Мекари.
Таа советува еднаш или два пати неделно да возите велосипед, да трчате или пливате, а најмалку трипати неделно да вежбате со тегови.