Новиот филм на Квентин Тарантино ќе биде сместен во 1960-те, а покрај добро познатите пријатели на режисерот, тој сака во филмот да се појави и Том Круз.
Според досегашните изјави на режисерот, тој веќе зборувал со неговите пријатели Семјуел Л. Џексон и Леонардо ДиКаприо, со кои има соработувано на неговите претходни филмови.
Но, покрај добро познатите ликови како Семјуел Л. Џексон, Тарантино сака да го придобие и Том Круз за една од главните улоги. Круз никогаш нема глумено во филм на Тарантино, а неколкупати досега има изјавено дека тоа му е една од желбите кои сака да му се случат во актерската кариера.
Покрај Џексон и ДиКаприо, Тарантино вели дека ги контактирал уште и Бред Пит, кој глумеше во неговиот „Inglorious Basterds“ и Марго Роби, која режисерот сака да ја види во улогата на Шерон Тејт.
Дејството на филмот ќе ја обработува приказната околу фамилијата Менсон и нивните убиства. Засега, промовирањето на сценариото мораше да биде одложено поради скандалот околу Харви Вајнстин и неговата продукциска компанија.