На новинарско прашање по кој принцип ќе се затвораат училиштата во случај на заразен ученик, Филипче одговори:
„Доколку има некаков сомнителен случај или дете/наставник со температура, ќе се направи соодветен пристап и анкета од страна на епидемиолог којшто ќе го процени и ризикот и контактите итн. Мора да имаме предвид дека придржувањето до протоколите ќе значи исклучително мал ризик за трансмисија на вирусот. Ние имаме еден план којшто сега е при крај, веќе е во завршната фаза на изработка, за дополнителни рестриктивни мерки коишто ќе бидат таргетирани иницијално, што значи дека во зависност од бројот на новодијагностицирани случаи во некоја населба, град или регион, понатаму врз основа на епидемиолошката поврзаност на тие случаи, сите коишто ќе бидат во ризик можно е да бидат под некаков план за рестрикции, во кој би спаѓало и затворање на училиштата. Ваквиот план за таргетирани и регионални мерки е со цел да се спречи понатамошно ширење на вирусот и да се избегнат рестрикции на ниво на цела држава. Значи во тој план се влезени и училиштата.“
