Вселенскиот телескоп Hubble ја откри светлината на ѕвезда што постоела во првите милијарда години по Големата експлозија, што е нов рекорд објавија астрономите, пренесе CNN.
Новооткриената ѕвезда, наречена Earendel, толку е далеку што на нејзината светлина ѝ требаа 12,9 милијарди години за да стигне до Земјата од времето кога Вселената била седум проценти од нејзината сегашна старост.
„На почетокот речиси не верувавме, беше многу подалеку од претходно најоддалечената“, изјави астрономот Брајан Велч.
Претходниот рекорд е од 2018 година, кога универзумот бил стар четири милијарди години.
Како што се шири универзумот, во моментот кога светлината на далечните ѕвезди ќе стигне до нас, таа се протега до подолги, поцрвени бранови должини, феномен наречен „црвено поместување“.
Светлината на Earendel доаѓа од ерата наречена црвено поместување 6,2., а Велч тврди дека обично на овие растојанија, цели галаксии изгледаат како мали дамки, а светлината од милион ѕвезди се спојува.
„Како да читаме многу интересна книга, но сме почнале од второто поглавје. Сега имаме прилика да видиме како сè почнало“, вели Велч.
Научниците велат, ако се потврди дека Earandel е една ѕвезда, нејзината маса е најмалку 50 пати поголема од Сонцето и милиони пати посјајна.