На НБА терените ноќеска се одиграа 6 натпревари, а Далас Маверикс и Лука Дончиќ претрпеа тежок пораз од Лос Анџелес Клиперс.
ЛА Клиперс на свој паркет славеше со 107:88 во последниот натпревар од денешната програма. На гостите не им беа доволни ниту 30-те поени на Лука Дончиќ, кој беше најефикасен на натпреварот.
Кајри Ирвинг додаде 26 поени, а Тим Хардавеј разочара со само 12 поени, 3 скока и ниту една асистенција за 25-те минути поминати на паркетот.
Кај домашните единствен кој постигна над 20 поени беше Пол Џорџ со 25 додавајќи и 9 скокови и 4 асистенции, додека потоа следуваа Теренс Мен со 17 поени, Норман Пауел со 15 и Расел Вестбрук со 14, а Хрватот Ивица Зубац запише дабл-дабл со 11 поени и 14 скокови.
Изненадување приредија Лос Анџелес Лејкерс кои на гости го совладаа Кливленд Кавалирс со 121:115.
Ентони Дејвис постигна 32 поена и 13 скока за победничкиот тим, додека Леброн Џејмс додаде 22 со по 6 асистенции и скока.
Изненадување беше и победата на Јута Џез над Њу Орлеанс Пеликанс со 105:100, додека Бруклин Нетс немаше проблеми на својот паркет против Мајами Хит (112:97).
Најефикасниот натпревар се одигра во Оклахома, каде Филаделфија 76ерс ја совлада домашната Оклахома Сити Тандер со 127:123.
Во овој драматичен дуел Жоел Ембиид доминираше со 35 поени, 11 скокови и 9 асистенции и се дојде на само една асистенција до трипл-дабл. Од друга страна, Чет Холмгрен и Шаи Гилџс-Александер искомбинираа 64 поени (33 и 31), но недоволно за да избегнат пораз.
Резултати:
Оклахома Сити Тандер - Филаделфија 76ерс 123:127
Бруклин Нетс - Мајами Хит 112:97
Вашингтон Визардс - Атланта Хокс 108:136
Кливленд Кавалирс - Лос Анџелес Лејкерс 115:121
Јута Џез - Њу Орлеанс Пеликанс 105:100
Лос Анџелес Клиперс - Далас Маверикс 107:88
Табела:
