Шефот на Apple смета дека виртуелната реалност може да се користи за добри цели, но само за одреден период.
Ако некој ве праша да одговорите на прашањето „Што е метаверзум?“, што би одговориле? Вистинската дефиниција во основа не постои, па некои помали истражувања и анкети покажаа дека секој има своја дефиниција и свој поглед на метаверзумот.
Тим Кук предупреди на ова во едно неодамнешно интервју. Тој мисли дека е „важно луѓето да ги разберат работите“, но не е сигурен дека разбираат што всушност е метаверзумот што го форсира неговиот ривал Марк Закерберг од Meta.
Познато е и дека првиот човек на Apple не е љубител на ваков виртуелен свет, односно верува дека виртуелната реалност може да се искористи на добар начин, но само во одредени периоди: „Но, не мислам дека вие сакаш да живееш така цел живот“.
Познато е и дека Apple ги подготвува своите први очила и уреди за виртуелна и проширена реалност. Првиот уред го очекуваме веќе следната година, но досега Кук не ги спомна овие уреди во контекст на метаверзум, туку само проширена и виртуелна реалност.
На ист начин размислува и Еван Шпигел од Snap, кој даде сличен коментар во едно неодамнешно интервју дека дефинициите на луѓето за метаверс се сосема различни. И неговата компанија исто така развива AR/VR технологии и хардвер, но исто така не го спомнува терминот „метаверзум“.
Се чини дека онок кој инсистира на тој термин е Закерберг, кој иднината на компанијата Meta ја базира на метаверзумот. Тој верува дека во иднина навистина ќе живееме во голема мера во виртуелни светови кои ќе имаат своја економија. Таа економија, смета првиот човек на Meta, ќе тежи стотици милијарди долари и верува дека неговата компанија ќе има доминантна позиција во неа токму затоа што веќе се подготвуваат за таква иднина.
Но, проблемот е што тој не очекува значителни приходи од тој виртуелен свет до крајот на деценијата, што значи дека со текот на годините, одделението за метаверзумот треба да генерира само загуби, што на многу инвеститори не им се допаѓа.