Легендарниот Том Брејди се премисли околу пензионирањето, соопшти дека ја променил одлуката и ќе игра уште најмалку една сезона.
Пред точно 40 дена Брејди објави дека става крај на неговата кариера во американскиот фудбал, по минати 22 сезони во НФЛ, но сепак се одлучи за уште една сезона. Брејди, кој на почетокот на следната сезона ќе има 45 години, се одлучи на уште еден договор со Тампа Беј.
„Сфатив дека моето место е на теренот, не на трибините. Ќе дојде време и за трибините, но тоа не е сега. Ќе ја играм и 23 сезона во НФЛ, имам недовршени работи“, порача Брејди.
Кариерата ја започна во 2000 година во дресот на Њу Ингланд Патриотс со кој освои шест шампионски титули во НФЛ лигата.