Том Фелтон заработи неверојатни 16 милиони долари за 31 минута појавување во филмовите за Хари Потер.
Вкупно 31 минута и 45 секунди беа доволни за 22-годишниот актер Том Фелтон да биде платен 523.943 долари за минута од екранот.
Со оглед на тоа дека неговиот лик имал „само“ половина час пред публиката - што е многу помалку од улогите на Руперт Гринт, Ема Вотсон и Даниел Редклиф - неговата заработка не е ни приближно највисоката во филмскиот серијал.
Според IMDb, Гринт имал 211 минути време на екранот, Вотсон 205 минути, а Редклиф 539 минути.
За улогата на Рон Визли, Гринт беше платен 43 милиони долари, Вотсон заработи 72 милиони долари играјќи ја Хермиона Гренџер, а Редклиф заработи неверојатни 97 милиони долари.
Во 2010 година, актерот изјави за Daily Mail дека не ги изменаџирал добро заработените пари и купувал „многу ѓубре што децата го купуваат“.
„Купив скејтборди и облека и типични тинејџерски работи. И, штом можев, фрлав многу пари на автомобили - главно BMW- за мене и моето семејство. Мајка ми ми рече: ‘Напорно работеше за ова, па земи што можеш, но внимавај, ќе изгубиш пари на автомобилите.’ И беше во право“, раскажува тој.
Трошењето на Фелтон отишло дотаму што тој две години имал даночни проблеми, поради што решил повнимателно да менаџира со своите пари.