Убедливо најбаран автомобил во 44 европски земји во првите осум месеци од 2019 година беше VW Golf, а по него следат Renault Clio и VW Polo.
Врз основа на податоците што ги собра порталот focus2move.com од 28 земји членки на ЕУ, како и Норвешка, Исланд и Швајцарија, потоа Русија, Турција и земјите од поранешен СССР и од Западен Балкан, во периодот од јануари до август годинава биле продадени 311.966 примероци на VW Golf.
На второ место е Renault Clio со 248.683, а на трето VW Polo со 194.505 примероци.
На четвртата позиција има уште еден модел на Volkswagen – SUV Tiguan со 179.440 продадени примероци.
На петтото место, со скок од 11-тата позиција во 2018 година се наоѓа Dacia Sandero (166.567 примероци). На шесто место е Citroen C3 (165.051 примерок), модел што исто така имаше голем скок од 10 места.
Седма е Ford Fiesta (163.123 автомобили), на 8-мо место е Peugeot 208 (162.201), на 9-то Ford Focus (161.542), а листата 10 најпродавани ја заокружува Nissan Qashqai (160.888 единици).
Од 11. до 20. позиција се пласираа: Škoda Octavia (160.658), Opel Corsa (160.057), Dacia Duster (159.218), Renault Captur (154.038), Toyota Yaris (149.525), VW T-Roc (147.320), Peugeot 3008 (139.067), FIAT Panda (130.078), Mercedes A-Class (124.511) и Škoda Fabia (120.865).