Топката на Adidas за СП 2022 е „најбрза во воздух“ од сите досега

Adidas денеска ја претстави топката со која ќе се игра на Светското првенство во Катар.

Светското првенство во Катар ќе се игра од 21 ноември до 18 декември, а топката со која ќе играат Меси, Роналдо и другите се вика Al Rihla, што е арапски збор за „патување“.

Како што истакнаа од Adidas, топката е направена со цел да се подобри точноста и брзината на движење низ воздухот и на тревникот.

Al Rihla е 14-та по ред топка што Adidas  ја произведува за Светско првенство и најбрзо се движи низ воздухот во споредба со нејзините претходници низ историјата.