Скопје, 14 мај 2020 (МИА) – Времето денеска ќе биде сончево и многу топло со мала до умерена облачност. Ќе дува умерен, а долж Повардарието и засилен ветер претежно од југоисточен правец.
Утринската температура ќе се движи од 8 до 15, а дневната од 28 до 33 степени Целзиусови. УВ-индексот ќе изнесува 8.
Во Скопје слично време со утринска температура до 13 и дневна до 32°C.
Под влијание на многу топла воздушна маса во следните денови ќе преовладува сончево време со мала до умерена облачност и со максимални температури кои се над просекот за овој период од годината и ќе бидат во интервал од 27 до 34 степени.
Во следните два дена ќе дува умерен, повремено засилен ветер од јужен правец. Во попладневните часови ќе има услови за изолирана појава на краткотраен пороен дожд и грмежи.
