Легендарниот фудбалер Франческо Тоти и ТВ-водителката Илари Бласи се во брак 17 години и имаат три деца, a важат за најпознатиот пар вo Италија. Но, тамошните весници пишуваат за нивна наводна брачна криза.
Италијанските медиуми наведуваат дека кризата трае подолго време, а Тоти веќе има нова, помлада девојка.
Илари не се појавила на 45 роденден на Тоти што го прослави кон крајот на септември минатата година, а исчезнаа и дел од заедничките објави на социјалните мрежи. Во Италија има шпекулации дека парот жестоко се скарал кон почетокот на февруари, за време на семејно патување.
Заедно не се видени во јавност веќе подолго време и тоа ги зголемува шпекулациите за можен развод. Засега за тоа нема потврда.
Неодамна, Илари ја шокираше италијанската јавност кога во емисија ја бакна ТВ-водителката Мишел Хунзикер.
