Реал Мадрид не влезе во четвртфиналето од Лигата на шампиони. Шпанскиот првак и на првиот натпревар во Мадрид изгуби од Манчестер Сити со 2:1, а синоќа го снајде истото.
Екипата на Пеп Гвардиола беше таа што славеше на вчерашниот реванш натпревар на Етихад, а трагичарот во тимот на Зинедин Зидан беше Рафаел Варан.
Еве ги двете ситуации во кои Варан сериозно потфрли:
Одбранбениот играч беше директно виновен за двата примени гола и тој не се обиде да го оправда тоа. Напротив, се извини.
„Сакам да им се извинам на сите и да преземам одговорност за ова што се случи. За овој пораз сум виновен јас и жал ми е за соиграчите кои дадоа сѐ од себе. На ова ниво на натпреварување грешки како моите скапо се плаќаат“, изјави Французинот по натпреварот.