Марго Роби и Рајан Гослинг ги глумат Барби и Кен во долгоочекуваниот нов филм на Грета Гервиг, Barbie, што ќе има премиера летово, а објавен е и вториот трејлер кој ни дава увид во заплетот на филмот.
Трејлерот го прикажува „розовиот свет на Барби“ - од куќата од соништата до кабриолетот, како и љубовната приказна на Барби и Кен.
Во споредната актерска екипа се Сима Лиу, Вил Ферел, Нкути Гатва, Мајкл Сера, Иса Рае, Реа Перлман и Кејт Мекинон, од кои некои играат алтернативни верзии на Барби и Кен. На пример, Дуа Липа ја игра сирената Барби.
Сепак, покрај заплетот кој го прикажува светот на омилената кукла, она што остави посебен впечаток кај гледачите е изгледот и ликот на Кен, кој го игра Рајан Гослинг.
Изгледа многумина не беа воодушевени и ги искажаа своите критики на социјалните мрежи - едни мислеа дека е премногу стар за улогата, други дека русата коса воопшто не му прилега.
Исто така, многумина се согласија дека Гослинг премногу ги потсетува на познатата американска водителка Елен Деџенерис.
Заснован на модните кукли Барби на Mattel, ова е првиот долгометражен филм за Барби што се појави на големото платно и го содржи сценариото што Грета го напиша заедно со нејзиниот сопруг Ноа Баумбах.
Филмот Barbie треба да се појави во кината на 21 јули.
