Денешната програма на ЕУРО 2020 ќе биде отворена на стадионот „Арена Национал“ во Букурешт и фудбалерите на Украина и Македонија први ќе истрчаат на теренот, а победникот од денешниот натпревар ќе направи голем чекор кон следната фаза.
Македонските фудбалери одржаа тренинг пред големото соочување, а една од вежбите на „рисовите“ стана хит на социјалните мрежи. Снимка пренесе и официјалниот Facebook профил UEFA EURO 2020, со коментар „Никогаш не престанувајте да се забавувате! Која е вашата омилена вежба на тренинг?“
🇲🇰 Cone race!🇲🇰 Never stop having fun! 😀 What's your favourite training drill? #EURO2020
Posted by UEFA EURO 2020 on Thursday, June 17, 2021
Украина го загуби првото коло од Холандија во најдобриот натпревар на УЕРО досега со резултат 3:2, додека Македонија претрпе пораз од Австрија со резултат 3:1. На тој натпревар единствениот гол за Македонците го постигна капитенот Горан Пандев, што воедно беше и прв погодок во историјата на нашата репрезентација на ЕУРО.
Овие две репрезентации играа заедно во групата квалификации за ЕП 2016, а на двата натпревари победата ја однесе репрезентацијата на Украина. На домашен терен забележаа победа од 1:0, додека славеа на гости со 2:0.
Натпреварот Македонија-Украина се игра од 15 часот.
