Секој од нас има објавено по некој смешен или бесмислен статус од пред неколку години или фотографија којашто не ве прикажува во најдобро светло.
Елиза Киркбај, регионална директорка на компанијата Hays, откри кои грешки ги прават луѓето на социјалните мрежи, а кои можат да ги чинат скапо, како на пример да не ја добијат саканата работа.
Да, точно е дека Facebook профилот е ваша лична работа, но многу работодавачи, посебно од поголемите компании, пред да вработат некого ги разгледуваат и неговите активности на социјалните мрежи со цел да дознаат повеќе за потенцијалниот кандидат.
Киркбај предупредува на кои грешки треба да внимавате:
Како општо правила Елиза наведува дека не би требало да објавувате каква било навредлива содржина на социјалните мрежи. Тоа може да вклучи коментари кои би се толкувале како расистички, хомофобни, порнографски, сексистички или екстремни во која било смисла.
Без оглед на тоа колку уживате во објавувањето фотографии од какво кафе пиете или секојдневни селфи фотки, Елиза предупредува дека потенцијалните работодавачи тоа може да го протолкуваат погрешно. Тоа може да биде знак дека личноста минува премногу време онлајн и дека тоа му го привлекува вниманието од работата.
Ако веќе не може да се воздржите, барем имате опција содржината што ја објавувате да биде приватна.
Една од првите работи кои потенцијалниот работодавач ги гледа на социјалните мрежи е вашата историја на вработувања. Затоа е добро да напишете точни и прецизни информации, а не на пример да пишува дека сте работеле во Google, а тоа не е вистина.
Какви било противречности во однос на тоа што сте навеле во CV би можеле да го натераат работодавачот да ве одбие.