Некои луѓе може да простат неверство, но не и да го заборават. Колку и да се трудат тоа да го заборават, честопати се одразува на текот на врската и нејзината иднина.
Помислата дека партнерот ве изневерил со друга, позгодна жена од вас може да предизвика дополнителен притисок на врската, но и на вашата самодоверба. Ако веќе не може да преминете низ тоа, најдобро е да се разделите.
Но, ако сепак решите да останете заедно и да му простите на партнерот, врската со партнерот може да се претвори во натпревар во кој секогаш вие ќе сакате да бидете победник. Врската е тимска работа, ако еден од партнерите секогаш ги става личните потреби на прво место, тогаш тој не е во врска.
Кои работи ќе се сменат во врската, доколку се случи неверство?
1. Прељубникот ќе биде губитник во секоја караница
Секогаш ќе постои она прашање: „ А ти мене што ми направи?“ Треба да го очекувате ова сега па и по шест месеци или две години. Секогаш ќе се има аргумент против прељубникот, бидејќи во тој момент не постои оправдување, а притисокот е голем.
2. Сè се менува
Колку и да се трудите да ги поправите работите со партнерот, над вас секогаш ќе постои невидлив облак од вина поради неверството. Ќе се правите и двајцата дека не го гледате, но ќе бидете свесни дека е тука и ќе го чувствувате неговото присуство.
3. Збогувајте се со приватноста
Во моментот кога сте ја изневериле партнерката, можеби добивте добар секс, но изгубивте многу работи кои тешко се враќаат назад како доверба, мир, верба, почит, разбирање и друго. Партнерката можеби ви простила, но исто така сега ќе биде уште повеќе свесна за секој ваш чекор.