Дивата краставица е растение од семејството на тикви, а неговите моќни лековити ефекти се познати уште од древниот Египет.
Листовите, семките, месото и сокот од дивата краставица имаат лековити својства и се погодни за лекување на одредени заболувања во организмот, но трудниците треба да го избегнуваат, бидејќи може да предизвика предвремени контракции.
Дивата краставица содржи голема количина на фитохемикалии како што се 20 амино киселини, минерали, феноли, пептин, липопротеини, флавоноиди, витамини, но и елатерин, смола, пектин, екбалин и неговата киселина, како и шеќер.
Ако имате проблеми со синусите, висок крвен притисок, бубрезите, холестеролот, срцето, дигестивниот тракт, честите настинки, моќниот чај од дива краставица може да ви помогне.
Може да послужи и за намалување на целулитот, токсините од телото, а идеален е доколку сакате да се детоксицирате после празничните оброци.
Набавете сушен лист од дива краставица и прелијте една кафена лажичка со шолја топла вода, но да не биде зовриена. Покријте ја шолјата и оставете 2 часа да ги ослободи сите витамини и минерали. Потоа добро процедете. Пијте три пати на ден пред јадење. Оваа алтернативна терапија трае околу 10 дена, а потоа направете исто толкава пауза пред повторно да започнете со пиење.
Чајот има многу необичен вкус, кој доколку не ви се допаѓа, можете да го консумирате со неколку чајни бисквити.