Денеска се закажани три натпревари од второто коло на Европското првенство во Германија, а од 15 часот ќе биде отворено регионалното дерби меѓу Србија и Словенија.
Србија во овој меч влегува како фаворит. Покрај подобар тим, адут им е и солидна игра во првото коло, во кое минимално беа поразени од Англија со 1:0. Денешниот натпревар може да биде клучен за нив во борбата за пласман во осминафиналето, па сигурно нема да им недостига мотивација. Сепак, ќе им недостига Костиќ, кој нема да игра поради повреда на коленото.
И Словенија во првото коло се претстави во добро светло ремизирајќи 1:1 со фаворизираната Данска, па денеска сигурно не очекува возбудлив натпревар кој ќе одговори на онолку прашања колку што можат овие две селекции на ЕП.
Втората средба од оваа група меѓу Данска и Англија се игра од 18 часот, а се освен победа за Англичаните би било големо изненадување. Англија со победа го започна првенството, а со денешните три бода би зачекорувала кон осминафиналето. Настапот на Шо е под знак прашалник поради повреда, додека Данците немаат отсуства во пресрет на дуелот на кој мора да го подобрат впечатокот по бледото реми со Словенија во првото коло.
Дербито од комплетното второ коло на ЕУРО се игра вечерва од 21 часот меѓу Шпанија и Италија. Тоа ќе биде дуел на две селекции кои го почнаа првенството со победи против Хрватска, односно Албанија, па кој и да победи вечерва ќе обезбеди пласман во осминафиналето. Шпанија е благ фаворит на овој меч, но сигурно е дека не треба да ги отпишеме ниту актуелните шампиони на Европа.