Лиценцираниот финансиски советник Фреди Фајненс објави видео на TikTok во кое објаснува кои три земји нудат пари за да се преселите и живеете таму.
TikTok профилот на Фреди е преполн со интересни содржини, а едно од нив е и видеото во кое објаснува колку пари нудат Швајцарија, Италија и Грција за да живеете таму.
Првин видеото започнува со швајцарската општина Албинен во која ќе ви понудат 25.000 долари за да се преселите таму и 10.000 долари по дете. Единствениот услов е да имате под 45 години и живеете најмалку 10 години на тоа место.
Втората дестинација е Сицилија во Италија, најголемиот остров во Средоземно Море. Можноста да живеете таму може да ја остварите со купување на недвижност која локалните жители ја нудат за 1 долар. Но, мора да го реновирате тој простор во висина од 17.800 долари, а пред тоа да приложите депозит од 5.900 долари.
Последна на листата е островот Антикитера, остров во Грција каде ќе ви дадат да имате ваше парче земја и ќе примате 590 долари месечно во следните три години.
Сепак, некои луѓе и не се одушевени од посочените земји, особено од помислата да живеат во Сицилија. Наведуваат дека локалните жители со причина се отселиле оттаму и дека мафијата го контролира целиот остров.
@freddiefinance 3 countries that will PAY you to move there! #personalfinance #learnontiktok #moneytok IB: @Hoskin Capital ♬ Paris - 斌杨Remix
