Министерството за вонредни ситуации на Руската Федерација соопшти дека загинале 13 лица, а 19 се повредени во вчерашниот пад на руски воен авион SU-34 во градот Јејск, пренесе Russia Today.
Авионот завршил во станбена зграда која се запалила по експлозијата. Пилотите успеале да се катапултираат, а првите пет ката на зградата се запалиле и избил пожар.
Оштетени се 17 станови во несреќата. Причина најверојатно е пожар на еден од моторите на авионот, вендаш по полетувањето, пренесе руското Министерство за одбрана.
Службите за вонредни ситуации цела ноќ биле на местото на несреќата и работеле на расчистување на урнатините. Ситуацијата е исклучително тешка. Спасувачките екипи успеале да спасат 69 лица, а евакуирани се над 360 луѓе.
Загинати се 13 лица меѓу кои и три деца. Повредени се 19 лица од кои четворица се префрлени на лекување во Краснодар, а останатите се задржани во болницата во Јејск.
Рускиот претседател издаде инструкции да се даде неопходната помош на жртвите на авионската несреќа, соопштија од Кремљ.
Надзорна камера го долови моментот на уривање на авионот во зграда:
