Младата македонска тениска надеж синоќа го освои својот прв фјучерс, а денеска на најновата АТП ранг-листа забележа гигантски скок од дури 310 места.
Калин Ивановски синоќа со пресврт го совлада босанскиот тенисер Азиз Кијаметовиќ со 2:1 по сетови (4:6, 6:4, 6:1) и ја освои својата прва титула во кариерата како сениор. Фјучерсот во Тунис се играше во градот Монастир, сместен на медитеранскиот брег.
На патот до титулата, освен Кијаметовиќ, Калин ги совлада и Сирил Вандермерсх (Франција, 2:1), Николај Неделчев (Бугарија, 2:1), Едуар Вилослада (Франција, 2:0) и Метју Делаведова (Австралија, 2:0).
Пред триумфот во Тунис Калин беше рангиран на 1089. место, а сега скокна цели 310 места и се најде на 779. место, што претставува негов највисок пласман.
Од останатите наши тенисери, во првите 1000 единствено е Горазд Србљак кој е на 900. место откако запиша пад од 4 места.
