Rimac Nevera не е само брз електричен суперавтомобил, тој претставува сосема поинаков „жанр на брзина“. Хрватското ремек дело си ги измери силите со моделот Aventador SVJ на Lamborghini.
Top Gear организираше трка за забрзување во првата епизода од новата сезона, а Крис Харис беше зад воланот на Nevera. Овој хиперавтомобил има четири електромотори, по еден за секое тркало, кои испорачуваат вкупно 1.914 КС и 2.360 Nm вртежен момент. Од 0 до 100 км/час забрзува за 1,97, а до 300 за 9,3 секунди. Делницата од 402 метри ја поминува за 8,6 секунди, додека максималната брзина е 412 км/час И покрај овие одлични податоци, од компанијата Rimac Automobili велат дека уште има простор за подобрување. Планирано е производство на само 150 примероци.
Aventador SVJ е придвижуван од 6,5-литарски V12 мотор кој развива 759 КС и 720 Nm вртежен момент. По сите стандарди тој е брз, а воедно беше и најбрзиот Aventador до доаѓањето на моделот Aventador Ultimae. Максималната брзина на Aventador SVJ е 352 км/час.
Трката заврши без изненадувања, но сепак беше интересна за гледање.
