Црвена Ѕвезда вечерва на стадионот Маракана во Белград го игра првото коло од Лигата на шампионите и тоа против италијанскиот великан Наполи.
Ѕвезда после полни 26 години се избори за пласман во Лигата на шампионите, а се најде во прилично тешка група со Ливерпул, ПСЖ и Наполи.
За вечерашното дерби во Белград, стадионот е веќе распродаден, а се очекуваат околу 50 илјади навивачи и пеколна атмосфера.
Италијанските медиуми пак, воочи гостувањето на нивниот Наполи во Србија, на социјалните мрежи објавија како изгледа тунелот на стадионот „Маракана“, преку кој играчите ќе треба да се појават на теренот.
Меѓутоа, снимката која ќе ја видите е нешто постара, односно тунелот денеска е малку уреден, но и понатаму дава знаци на сцени од некои од најстрашните хорор филмови, па сосема е сигурно дека на играчите на Наполи, воопшто нема да им биде лесно овде.
