Репрезентациите на Европското фудбалско првенство, што ќе се одржи од 11 јуни до 11 јули, ќе можат да извршат по пет измени во текот на секој натпревар, соопшти денеска Европската фудбалска асоцијација (УЕФА).
Правилото за пет измени беше воведено како привремена мерка поради проблемите околу физичката подготвеност на играчите после паузата поради пандемијата, а кое продолжи поради згуснатиот календар и во моментов се применува во европските купови и европските квалификации за Мундијалот 2022 во Катар.
„Со оглед на тоа што причините за правилото за пет измени и натаму се валидни, а имајќи притоа превид дека правилото веќе се применува во квалификациите за Светското првенство, што се играат од март 2021 до март 2022, одлучено е примената да се прошири и на Европското првенство во јуни и јули 2021 година“, соопшти УЕФА.
